Балқаш қаласы әкімдігінің
Ресми сайт
poisk
03.04.2020

А.Аймағамбетов: Төртінші тоқсан өз уақытында аяқталады


Министрдің сөзінше, соңғы тоқсан 25-мамырда аяқталады.

"Ешқандай мәселе туындамаса, 4-тоқсан өз уақытында аяқталады. Жылдағы дәстүр бойынша 25-мамырда төртінші тоқсан бітеді. Біз көктемгі демалыс уақытын создық, бұрын оқушылар екі апта демалса, биыл тағы бір апта қосылды. Мұндай жағдайлар болып тұрады. Мұғалімдер кейбір сабақтарды біріктіріп оқытады. Оған мүмкіндіктер бар. Қазір біз видео-сабақтарды да осындай тәсілмен дайындадық. Сол себепті бағдарламаның бәрі қамтылады", - деді Асхат Аймағамбетов.

Сонымен қатар ол төтенше жағдайға байланысты қашықтан оқыту жүйесінде кемшіліктер болуы мүмкін екендігін айтып, ата-аналарды түсіністікпен қарауға шақырды.

"6-нан бастап мектеп оқушылары қашықтан оқу форматына көшеді. "Көш жүре түзеледі" дейді. Сол себепті ата-аналардың қолдауын сұраймын. Кемшіліктер болады, онсыз болмайды. Бұл жаңа нәрсе болғандықтан, ұстаздарымыз үшін де, балалар үшін де, ата-аналар үшін күрделі болады. Алдын-ала болатын кемшліктер үшін кешірім сұрағым келеді. Сіздердің, ұстаздарымыздың көмегі арқылы қиын кезеңнен абыроймен шыға аламыз", - деді министр.  


Еске салайық, бұған дейін Білім және ғылым министрі қашықтан оқыту 4 бағыт бойынша жүзеге асырылатынын айтқан болатын. Бірінші бағыты - теледидар арқылы тиісті сабақтарды беру, екіншісі - радио арқылы өткізу. Ал үшінші - пошта арқылы боған болса, төртінші бағыт - интернет жүйесі арқылы іске асырылады. Министрдің сөзінше,  қысқа уақыт ішінде бірнеше интернет платформаларын дайындалған.

Назерке Сүйіндік



Кері қайту

© 2007-2020 Балқаш қаласының әкім аппаратының ақпараттық порталы Сайт материалдарын пайдаланғанда ақпарат алған көзге сілтеме жасау міндетті
Яндекс.Метрика
© 2020 Зерттеме және сүйеніш: "Creatida" Интернет-компаниясы
На главную
Назад
Вверх